شعر شعبي :: ضرغام العراقي

الشهرة ليس ان تراني كل يوم ولكن ان تذكرني في غيابي!!!... رغم بساطتها لكنها تعني الكثير

جديد 2012 & 2011 ضرغام العراقي

 

ضرغام العراقي 2012

روائع حصرياً في رابط واحد

http://www.4shared.com/video/qxqs5_IX/__2012_____.html

http://www.youtube.com/watch?v=XtLsp346R_8

والله وكت 2012

http://www.4shared.com/audio/gpmLHlyS/_____2012.html

الملحن ضياء الدين & الشاعر ضرغام العراقي



صَدرت حديــــــــــــثاً

للشاعر الديواني ضرغام العراقي

  مجموعة شعرية بعنوان

( شكتبلك بعد ) ومضات وبطاقات


شعر شعبي عراقي
 

طبع وتوزيع مؤسسة الرسام للطباعة والنشر والتوزيع

الآن في جميع المكتبات في بغداد والمحافظات

 

رايد وطن 2011 صورة وصوت 


http://www.4shared.com/video/6BneKSia/__2011____.html

http://www.4shared.com/video/PLldhP5i/____.html

http://www.youtube.com/watch?v=9-gSb_IKnqk



2011 مونتاج فيديو كليبات ( ضرغام العراقي )

 تحميل

 عشق ممنوع

http://www.4shared.com/video/E50Ob1Lh/__2011__.html

الخيانة سمر ومهند

http://www.4shared.com/video/jg3eHBPV/_____.html

احسك تختلف

http://www.4shared.com/video/IIG6oE4A/__2011__.html

تغلق جهازك ليش

http://www.4shared.com/video/0ykASuqc/__2011___.html

يوتيوب

ضرغام العراقي قصيدة الخيـــــــانة ( العشق الممنوع )

http://www.youtube.com/watch?v=mRldIzn7lIU

 الخيانة

http://www.youtube.com/watch?v=Ff10RcnCjbk

 تغلق جهازك ليش؟

http://www.youtube.com/watch?v=uOIETKfJfF4&feature=related

احسك تختلف

http://www.youtube.com/watch?v=cIc16v5G8wU&feature=related

العشق ممنوع  مابعتك

http://www.youtube.com/watch?v=6MIAC7HcwaI&feature=related

العشق الممنوع قصيدة  قانون العشق

http://www.youtube.com/watch?v=8nI-6LYJYII&feature=related

 

 شعر شعبي :: ضرغام العراقي

 

دارميات غزل عراقي


جديد 2011

 مواويل وشعر

( فالح حسون الدراجي & ضرغام العراقي )2011

اذاعة العراق الحر

http://www.iraqhurr.org/content/article/2264788.html

 

مواويل وشعر  (Download ) 2011

http://www.4shared.com/audio/LoAv9CLi/_2011____________.html

 

المجموعة الكاملة :: ضرغام العراقي

صوتيات & فيديو

http://www.4shared.com/dir/12455855/bce26d00/sharing.html

 

 

ضرغام العراقي 2011 You Tube  

http://www.youtube.com/results?search_query=%D8%B6%D8%B1%D8%BA%D8%A7%D9%85+%D8%A7%D9%84%D8%B9%D8%B1%D8%A7%D9%82%D9%8A2011&aq=f

 

 

ضرغام العراقي 2011   Download

http://search.4shared.com/q/1/%D8%B6%D8%B1%D8%BA%D8%A7%D9%85%20%D8%A7%D9%84%D8%B9%D8%B1%D8%A7%D9%82%D9%8A%202011

 

 

ضرغام العراقي ( You Tube ) ALL

http://www.youtube.com/results?search_query=%D8%B6%D8%B1%D8%BA%D8%A7%D9%85+%D8%A7%D9%84%D8%B9%D8%B1%D8%A7%D9%82%D9%8A+&aq=f

 

ضرغام العراقي ( Download ) ALL

http://search.4shared.com/q/1/%D8%B6%D8%B1%D8%BA%D8%A7%D9%85%20%D8%A7%D9%84%D8%B9%D8%B1%D8%A7%D9%82%D9%8A

 

 

المجموعة الكاملة :: ضرغام العراقي

صوتيات & فيديو

http://www.4shared.com/dir/12455855/bce26d00/sharing.html

 

قراءات

الشاعر ضرغام العراقي والايغال في لعبة الشعر

قراءه في بعض جوانب منجز الشاعر

http://www.almannarah.com/NewsDetails.aspx?CatID=12&NewsID=13960

جريدة المنارة / أدب شعبي / الاستاذ الشاعرعلي امين ابو عراق

 

ضرغام العراقي تلميذ نجيب في مدرسة الشعر

http://www.iraqhurr.org/content/article/1854171.html

اذاعة العراق الحر / الاستاذ الشاعر فالح حسون الدراجي

 

احتـــــــــــــراقات عراقي !!!...

قـــــصائد


قصائد


تداعيات وطن


رايد وطن من صدگ ... بس كون الگه الصدگ

حتى انه اريدن وطن

ورايد شعب مو شعب ... ياكل ويشرب فقط

رايد شعب ينتفض لو مر عجاف الزمن

ورايد بعد وشكثر ... احلام من الزغر

كل يوم يطلع شمر وليهسه متحققن

والماأريده نعم ... راح انه اگوله بألم

والصوت هو القلم والورقة اسمع اذاً :

مااريد بابي تدگ .. تحرجني ما عندي

ومااريد عالارصفة الگه الصبح ولدي

ومااريد اعبر جسر والگه مَره اتجدي

ومااريد ابن الوطن يحلم لِبس جندي

ومااريد فارس چذب مليت من الچذب

عبرن عليه گبل بس هسه ما عبرن

ولاتبچي ما اقتنع خبرة صرت بالدمع

مكسور عدنه ظلع ويگلي لا عثرن

وعندي بعد بس طلب ... عاجل لكل العرب!

اذكر عبارة أمس ... ظلت تحز بالنفس

" القاهرة تكتب وبيروت تطبع وبغداد تقرء "

ما تكتب القاهرة وبيروت ما تطبع لا احنه مو فقره

بغداد تكتب بعد ..

بغداد تطبع بعد ..

وكل الشعب يقره وكل العرب تقره

كل العرب تقره ...


النصيحة ج2

الى كل من لا يعرف معنى الحب عليه ان يراجع نفسه!

وان لم ينفع فهو ميت

نزوة ليل 

من الباب ادخل مو من الشباچ اذا اتحبهة صدگ اتقدملهة

 

مثل اختك عرفهة واحد من الناس ترضاهة علية من يستغلهة

 

تعيشهه بحلم بي عائلة واطفال خاف الله ولك شتسولفلهة

 

وحدة اثنين عندك هيه يا ترتيب وعلى شكم وحدة ضاحك هم مثلهة

 

وفندق لو گلب هذه العايش بيه ولا غرفة صدگ من تدخللهة

 

كافي ماتحس يمكن ضميرك مات وين الفاتحة حتى اوصللهة

 

ابوهة شگد تعب رباهة بالدمعات وامهة حدبت بس تـكبرلهة

 

وعلى الحاضر تجي ياحضرت الاستاذ ماتوصل شبر والله الكحلهة

 

شمعة بيت هي وانتة نزوت ليل ولوگالوا شمس ماتسوه  ظلهة

 

احسبهة عدل باچر وراك عتاب شتگلهة اعتذر متصرفلهة

 

وفكر تستقر لا تبقة ريشة بريح شباقي من العمر روحك تذلهة

 

ومااگلك نبي ومااصيرن افلاطون بس المشكلة تگدر تحلهة

 

هم مثلك چنت والعب على الحبلين! وماتسوة شفت من اصفنلهة

 

تصح وحدة نعم مو زينة بس مرات اصابيعك لأن مو عدلة كلهة

 

وتصح وحدة تعجبك لكن بالحظات وباچر من تجي يمكن تملهة

 

وتصح وحدة اصيلة من الالف للياء وبس خيالهة من يگدرلهة

 

وتصح وحدة بعد ماتسمع الهة الصوت بس مدوخ العالم خجلهة

 

واخلاق وقيم تتوارث الاجيال مو غاية وطمع مستقبل الهة

 

ومثل ورقة الشرف لو تحترگ بالنار لو تكتب قصيدة بس تجلهة

 

ونصيحة من تحب تختار عدهة احساس مو عدهة شكثر حلوة بشكلهة


النصيحةج1

لسان حال فتاة كان الحب ذريعة حتى يستغلها...


وينك ماترد تغلق جهازك ليش وكت خلاك ترفض ماتجاوبني

تذكرمن چنت تتمنة تحچي وياي تنكرهه بسهولة وما تعبرني

هسة وصدفة جابك لية هذه اليوم ولأن ثق اعلة نيتي وما يضيعني

وفضل مني ترة من اوگف احچي وياك ونعم بيهة قصد بس لليفسرني

وسمعني عذر لا تستحي من الناس ولدنگ خجل مو عيب سمعني

اقرة بداخلك واعرف تفكر شلون كل همّـك ربح لو حتى تخسرني

واعرف غايتك لتظن غشيمة بهاى بس حكّمتة عقلي وگلبي طاوعني

ردت اعرف نهاية حبك المزعوم او وين بياطريق اتريد تاخذني

تحب شكلي فقط لا مو جمال الروح ولهذه السبب يا باشا تعذرني

صح اني زغيرة وعمري بالعشرين بس اوزن بلد ... والله صدگني

الطيبة مو ضعف والسكتة لا مو خوف بس اخلاق بيتي هي تجبرني

وانطيك اعلة مايك مره لو مرتين لكن للأسف بعدك متعرفني

سامع بالمثل شط ويرد عطشان هذه اني وصيرن من تجربني

اوصلت فكرتك يعني انتهة الموضوع ولتحاول بعد هيهات تقنعني

وامسحني بعد من قائمة الاسماء لأن اسمك بعد هم مايشرفني

وساعة والعطر كل الملابس هاي لو سألوك عنهن بيهن اشكرني

وروح براحتك خلصتة ثاري وشوف تتندم عَلي بعدين تذكرني

ونصحية للتحب ( أم ) باچر تصيرين وترجع للحچيتة وهي تفهمني

وهي تفهمني...

محطة اخيرة

احساسي نبي؟


بَرِد تموز حبك من يمر صيف وحر تشرين يانار اشتياقي

وراقي ما شفت بس انته والله

والغيرك چِذب من گال راقي

وكافر بالعشگ ماعندي الايمان بس بعدك نعم صار اعتناقي

واحساسي نبي من راد يهواك

كسّر كل هُبل قبل التلاقي!؟

يا شعري وقضيتي والمكاتيب ياسهر الليالي واحتراقي

الك كل العمر ومقصر وياك

يا بيتي و محلتي وكل زقاقي

وعليك العين تعمه لو غبت يوم ويحالي شلون لو طال الفراقي

لا تبعد عَلي ياسلوة الروح

وعهدي اوياك اسمعه واتفاقي

على هذه الگلب كثره اليمرّون وعيونك فقط بس انته باقي

وصحيح انته حلو وهواي عشاگ

لكن يختلف عشگ العراقي

صدّگ يختلف عشگ العراقي



ويبقى الحلم كالصدى

صـــوت و حلم


حاير تظل لشوكت

وعني تظل ابعيد

وبس بالحلم نلتقي

وچاليش بس بالحلم

ادريك ما مقتنع

اتريد يمي تجي ونفس الوقت ماتريد

وصح تختلف من تحب

ويّاك ما يختلف

لكنه گلبي طفل شي قنعه يوم العيد

واعرف جوابك بعد

كلمة حبيبي انتظر

والهذه ما اسألك نفس النعيده انزيد

وارجع حضن صفنتي

واغفه اعله صوت الدمع

ورسمك يمرني غصب چن احنه إيد بأيد

واصحه وسراب الجرف

وغرگان شوگ الگلب

ولو فاض نهر العمر جيتك بعد شتفيد؟

اختار صبري وطن

واجبر كسرخاطري

والسان شاعر سطر

وجمهورة انته يحس ويريد منه ايعيد

حاير تظل لشوكت

وعني تظل ابعيد

وعني تظل ابعيد ..



متى السؤال يجد الجواب

ليش؟


عله انقاض الدمع

رممنه الخدود

وواعدنه الضحك بس ما لگانه

ماندري الفرح بس لهل القصور

لذلك يعتذر مامر واجانه

وما ندري السبب

لو بينه لو بيك

وضّح يا زمن وبكل امانه

مسجون الصدگ گدام العيون

والچذاّب شو طالق عنانه

يعني احــنه غلط چه فقره والعوز!

مثل ظلنه صفه يركض ورانه

لو يمكن قــــــدر نرهم عالاحزان

وصاغنه الدمع حد ما عمانه

ومن فضلك بعد نحتاج تبرير

ليش الطيبه محسوبه مهانه ؟!

نلزم سيف حتى انصير وياك ؟؟

ونعوف الورد غافي بمكانه

ونلغيه المشاعر والاحاسيس

واذا فز الضمير انسد اذانه !؟

ومانحچي بعد مثل التماثيل

ويخون البشر گلبة ابلسنه

عذابك يازمن بس گول لي وين

تعبانين من يوم اللفانه

ونسأل يا هلي ليش المعانات

في قاموسكم توجد خيانه ؟!

من عدكم عرفنه

الطيبة والخير

چاليش الزمن قاسي معانه ؟؟

نرجع للدمـــــــع ونبيع الانقاض

وكالعاده الحزن صفقه اشترانه

وشكراً للدمـــــع بس هو وفـّـاي

شريف ومانكر اصله ونسانه



الحاجه ام الاختراع

أبو محتاج!


محتاج مثلك (علي) مااريدن اهل الفيل

ومحتاج تمطر علم مو تمطر ابسجيل

ومن فكرت يا شعب

مستقبلك بي تعب

عقلي وگلبي لعب

حرب ودمار وقتل وشلون يطلع جيل؟!

محتاج واهس طفل وتگول طفل الصين

لو حل من المدرسة مايركض اعله الطين !

ومن زغره واعي وفكر واخلاق عنده ودين

ولوجاع يقره اكتاب

لويسمع الزرياب

ويسأل منو السياب لامو منو استالين

محتاج طيبة گلب مزروعه بين الناس

وياريت كل البشر مافاقدة الاحساس

واتمنه اشوف الورد ينشم ولا ينداس

وترد سوالف امس

حب ومحنه وهمس

وتطلع علينه الشمس وچف الصدگ ينباس

محتاج صاحب اخوا بس كون الي محتاج

مااريده كلّش نبي ولااريده هم حجاج

ولوصار مرّه ملك

افرح يصير الملك

لكن يهم بالشعب لامو يهم بالتاج

ثاريني عايش حلم ومن واقعي منهزم

وضحكوا علي للعلم وطلقوا عليه اسم

سموّني ابو محتاج .. من كثر ما محتاج



لا اعرف من الاروع انت ام من احب ؟

شكتبلك بعد


شكتبلك بعد مو خلصت الچلمات

وياشاعر يداين خاطر اكتبلك؟

وماعندي صور وارسملك الابيات

يا احله الصور مجنون وارسملك

حسنك مشكله تيّه عَلي الاوزان

زاحف كل حرف بس كون يوصلّك

واذاشاطىءغرامك صايرالنه ابحور

ابحورالشعر خجلانه شدگـّلك

ظلّك قافية يلمشيتك بالحان

وزرياب اعتزل لو شاف بس ظلّك

يا قمة ترف يا وحدة الموضوع

يا نقطة ضعف بس انته عد خِلّك

ممكن رقتك تصلح قصيدة شوگ

بس ديوان حب لو تنوصف كلّك

ارجع للصفر عالفطره شعري تريد؟

ارحم حال شاعر صار من اجلك

عن كل شي اكتبت بس لا تظن مغرور

لكن حضرتك معذور شوصفلك

يالوصفك لغز ومحـير الاوراق

واقلام الشعر ماممكن اتحلّك!

شاعر يعتذر من عندك اني اليوم

كل هذا الذكرته لاتظن جـلّك

ومن بعد اعتذاري اهديك هذه البيت

لكن مو وصف لا حتى مااخذلك

عدهم كل شمس تفصل نهار وليل

بس عندي الشمس تشتاگ تنـزلّك!

واذا عندي الشمس تنـزل لأن تشتاگ

چا يعني الگمر ينـزل يحب رجلّك

ينـزل يحب رجلك



بأسم القلب والروح

مــــــاتجينة


هامت الروح بغيابك سرحت باليل المدينة

ومن سألني الشوگ عنّك مانفع وياه حجينة

ماتجينة ..

لاتظن ننسه ونذكرك لا بعد لا ما نسينة

يادمع منهوالينشفك مو شتاگة حتى ادينة

ويا عشگ لغنية السبعين كل الحانه بينة

ويا سهر ذيج الليالي ياگلبنة وياحنينة

يا شعر عالفطره انته بيك من اول بدينـة

ماتجينة ..

خاطري مكسور خاطر جاب كل عمره وسنينة

وياعمر من غير شخصك مظلمه ايامه وحزينة

وغيركم مايمله عيني چان حبينه وهوينة

بس الك عالن رجائي غيركم متوسيلينة

ما يحن معقوله گلبك خاف يمكن باع دينة

لويحسدك گول حقك؟! لوعذر منّك رضينة

ماتجينة ...

ما نريدك دوم يمنه بالچذب سَيّر علينة

نبقة يعني شلون فكرك نبقة نحلم ما تجينة

ابقة واحلم ما تجينة

ماتجينة



الى الانسان فقط وحصرياً

الحريّة


تحچي بكيفك .. تمشي بكيفك

اتحب كل شي .. تكره كل شي

تسمع كل شي .. ترفض كل شي

بس فكّر لو رايد تضحك .. بعد الضحكه يمكن تبچي!..

الحرية

مثل الفرصه .. هي اتريدك تبحث عنهه

بس تلگاهه .. ياويلك منهه .. لا لاتظنهه

هم موجوده عند الغير..

ومثل الطير .. ويمكن

ماكو شارع لكن .. احذر تمشي عكس السير!.. وتحلم بيهه ..

ولو دگـّت بابك تانيهه ..

بابك عينك ... عينك بابك

من اتفز لا ما تلگيهه

الحرية

لو رايد تعرف هم ناسك ..

غامر حتى في احساسك

تربح مرّه .. تخسر مرّه

بس الغايه تقـنع راسك !

الحرية

فكره وورقة .. يمكن ترقة .. يمكن تبقة

بس بالك لا تصبح طلقة ..

بس بالك لا تصبح طلقة ... الحرية



عتب اعتذار حب

ســـاكت


ساكت ياوطن والحرگَه تاكل بيك
لو خايف بعد والسكته من خوفك

من حرب الحرب جبنه العمر وياك
من اكل الجثث ما ينترس جوفك

ومابيك الذنب گول الذنب چا وين
يمكن نعتذر لو نفهم اظروفك

چنت المدرسة وبيك الشعب طلاب
وبس دگ الجرس شو فارغة اصفوفك

تقبل ياوطن؟ يرضيك هذا الحال
ناسك للأسف تتراكض اتعوفك

وتقبل ياوطن؟ شبّانك الحلوين
تتغرب غصب تحرمهه من شوفك

جاوب لا تظل ساكت يـبو الثورات
عشرينك بعدهه اتعيش بطيوفك

من طور الحزن ملينه ما ملّيت
چاطور الفرح ما تعزف ادفوفك

من اريد الفرح بس كون اريدك سيف
موعيب بغمده اتنامهه اسيوفك

وبايگ ما صرت ما خاف من جلاد
مو هذا شعارك هذه معزوفك

چاشنهو التغير؟ يا عراق شبيك
ثار حسين ذمه بشيبة ازلوفك


وشعبك من عطش رادك مثل عباس

يعني حسين شعبك وارضة اله اطفوفك


لكن للأسف ماكوا مثل عباس

ومانوصل عشر ياحسين لحروفك

ونعتب ياوطن من حبنه الك والله
شفناك النهر عطشان بجروفك

ومن انصحك لأن صدگنه كلنه اخطاء
يا بيت الكرم نتسمّه بضيوفك

اصفن ويه نفسك راح تعرف زين
لو ما تنتفض چاضاع معروفك

عذراً يا وطن بس ثور حتى نثور

لو تگضي العمر والقيد بچفوفك

تنويه : مانقصدوطن يعني الوطن بالذات

بعيون البشر هم موطن انشوفك



احياناً يكون معك القلم والورقة ولكن

الصورة رؤيا مـن جانب اخر


محتار بيدي القلم والحسره بيه تلوع

وافكار عنده شكثر بالي والف موضوع
شكتب سألني القلم والورقة تشكي الجوع

ماجاوبت واسكتت چان الجواب ادموع

مرّات اكتب شعر من غير ورقة وقلم

ومرّات الگه الدمع تفعيله وزن ونغم!
والعين صاغت بحر والفكرة هي الألم

صورة عندي اذاً والحيره صارت عدم

مااريد بعد القلم والورقة خلهه تروح

ومادام عندي الدمع تفرح تريد الروح
والمن بعد وافتخر كافي فخر يـجروح

شاعر صرت للأسف بس الفخر للنوح

بس الفخر للنوح



على طريقتي الى حبيبتي

مااحبك


مااحبّك چذب

والله ذايب بيك

بس دوّر عليه بيك تلگاني

واذا هذه الاگوله

تظن وابالغ بيه

تگدرتنسحب بس صعبة تنساني

وماگلّك چذب

گبلك صدگ حبيت

بس يوم العرفتك صار شي ثاني

وتخيّل طفل يعرف يظم اسرار

تلگه البلگلب يركض على اللساني

احبّك

كلمه ماتروي بعد للروح

لأن مَرّت گبل قاموس وجداني

ومتهمني حروف الكلمة من تنگـّال

بس همني الفعل شتحسه شيعاني

لأن اني من احب تدري اختلف بالشوگ

وماگلّك طبع بس هذه عنواني

وما گلـّك ملاك

وبس حچي يفلان

دگ تلگه الصدگ مصبوغه بيباني

احبّك

كلمه گالوهه گبل عشّاگ

و بيهه ماأهم وتركهه بس اني

عندي لهفه لك شايلهه من سنين

و احبّك كلمه لا ما تطفي نيراني

لا ما تطفي نيراني ...



الأرضـــــ!


اقطاعي هذا الوكت .. وفلاح بيه العمر

يزرعني آه ودمع .. وبالتالي اخضر شيب

ومايخجل ويستحي .. جَدّيت منه فرح

جاوبني اسكت عيب !

ومديت خلگي امل .. كل ظنتي يتـعض

جاهل طلع للاسف

وماعندي علم الغيب

وناديت صوتي رجع .. ماواحد اليستمع

مهجور كل الحقل .. ماباقي حتى الطير

وفزاعه صار العقل .. وافكار بي تحتضر

وبالخوف نام الجسد

وللغير صافي الخير

ومحصولي بيدر حزن .. والسوگ مامستقر

غبشه نزل باعني .. مامرّه صوت ابيش

اقطاعي هذا الوكت

من باگ حتى العمر

واسأل ردت عالسبب .. محّد يگلي ليش

وينه اليگلي ليش ؟؟



وطـن ... لـن و لم

معــــــذور


ارسملك فرح

وبعيني الدمعات

وهمومي صفت ترسم معاناتي

وضحكلك چذب بس داخلي مجروح

وبس حالي علم ماحال مأساتي

وصفناتي شكثر

مابيهه قط احلول

وخـّدي يشتهي يشتاگ صفناتي !!!

واسراري بحر بس ما لگت سفـّان

حلفت بس الي تنطق بطولاتي

ممكن بالعشگ ويّاك صح ارتاح

لكن في وهم مجملهه راحاتي

مشكلتي الگلب

حزنه اعله كل شي يصير

وهمومة جبل وسفوحه حسراتي

وساكت للأسف

بس چان عندي اللسان !!؟

ومن كثرالظلم ضاعت عباراتي

لاتعتب بعد ياحبنة ..واترجاك

عيش وياي بالحلوات مُرّاتي

واضربلك مثل .. لا مو مثل تشبيه !؟

وبهذه صدگ حاسب حساباتي

معذور الحزن نتشابه انه وياه !

ما عنده وطن … سكنته باهاتي

س: ماعنده وطن ؟ ج: يبقة بلا وطن !

أبقة بلا وطن .. شكراً تحياتي



استطيع ان اكتب لك كل يوم قصيدة ... لكن لا استطيع ان اكتب لك كل القصائد في يوم ... لأنني كل يوم اجدك اجمل !!!

التوقيع

ضــــمير الحب


يا كل شي بحياتي

يا حلم دنياي
يا دمعة فرحتي بضحكة احزاني

يالحبك خرج

عن طابع المألوف
من گد ما يحبك غار مني اني!

وعن هاي البشر

واضح فوارق بيك
عنهم تختلف من قاس ميزاني

وانواع شكثر

من العشگ تعنيك
حب من نظرة الاولى ومن طرف ثاني

ولو ناسي بعد

ذكرني اترجاك
حتىّ يعتذرلك حتى وجداني

وما گلك عشگتك

لا ولا أهواك
ذايب بيك دور راح تلگاني

وما اگلك حلو

ياعاطفي وشفاف
بس صدّگ حبيبي والله تسواني

وشاعر من صرت

وانته سبب في هاى
صايرلي بحر كل فكرة بوزاني

يا اسمي الثلاثي

واللقب وياه
يعني انته هويتي للّيقراني

وما اجامل لأن

يشهد عليه الله
بس راي الگلب تلگاه على الساني

ما شايف شمس

تطلع عليه ابليل

ولا شايف گمر من غبشه صحاني!

يعني انته :

الوصف والوصفه

والموصوف
ما يحتاج وانته القاصي والداني

وتباً للعشگ

تاريخه لو ينساك
يا بلقيس بس بعين قباني

واتمنه العمر

ما يعبر العشرين ؟!
ولا باچر يجي وتگول ينساني

بس خاين أسف؟

تالي طلعت وياك
طيفك من يمر سهران يلگاني

ياحب اعتقد :

تملك ضمير انسان

وثق لو ما ضميرك باقي ومعاني



لاتسأل ..

خربت ( زمن مجنون )


خربت من شفت جنحان عند الفيل ومن شفت النوارس صارت ذيابة

وخربت من شفت مَره الأسد مرعوب خايف ما طلع بالليل للغابة!

مجنون الزمن لو عقلي انه المجنون هذا الشفته من هو اليعرف اسبابة؟

وجبت ايدي غصب گتلهه فركي العين بلكي مو صدگ وينچ يا سبّابة!

تالي اتيقنت موبس حلم لا طيف واقع حال بس ظنوني مرتابة؟

شفت الناس بعض الناس..غير الناس شفت الناس نفس الشفته بالغابة!

واحد من يهد ويهد گبل بالسيف عاف السيف هسه وينخه بگرابة

واحد مقتنع يوسف كلاه الذيب وتگله چذب وايگول لا يابة !!!

واحد ما دره ما يعرف الي صار شاهد راح لمن صارت اطلابة

واحد ينسأل تعرفهه بت فلان جاوبهم چذب وايگول حبابة

واحد چان واحد هسه صار اثنان لأن وجهين عنده وغاش اصحابة

أو .. واحد .. أو .. واحد ..أو .. واحد ..

والاضرب بعد سألوا طفل بالعيد شتحب تشتري شنجيب لـَعّابة؟

دبابه صرخ يلعب حرب وايريد ميعيّد اذا ماعنده دبابة !

وطفل ثاني شرد يذرع شوارع گام ويكره للأسف مدرستة وكتابة

وطفل ثالث .. وطفل رابع .. وطفل خامس ..

واخيراً ..

مجنون الزمن فعلاً طلع دولاب وبكيفه يفر لو راد دولابة



صاحب صاحبك


لوحة دنيتك بيهه العقل رسام

جَربـه يم صحيحة لا تلاونهه

واحذرمن ضحك في وجهه الك كل يوم

ضحكات البشر تخفي معادنهه

شمسك بالشته مو تختلف بالصيف

واذا هاي الحقيقه يله قارنهه

تلگه عالأرض صح ناس بس ميتين

واحياء شكثر مدفونه باطنهه

ومثل طبع البحر تلگاهه كومه اسرار

بس وينه اليفسّر في مكامنهه

عصفور بقفص لا تقبل ايخلوك

واحچيه الصراحه ليش ساجنهه

صاحب صاحبك بس حَاسبه كل ساع

واذا منّك زعل ياصحبه ضامنهه

من حَبّك صدگ يندل تره الخدين

لا داعي بعد توصف مفاتنهه

والرادك عمر يتحملك يومين

جنه وبيهه بس رضوان خازنهه

ولاتبيع الصدگ لو مشتري چذاب

طيورك من تحن تذكر مواطنهه

وزرع بس ورد لا تزرع الصفصاف

ياطيّب گلب خيرك محاسنهه

وكمّل لوحتك حب وحنان وطيب

موناليزة من يگَدر يثـــّمنّهه ؟؟

من يگدر يثـــّمنّهه



غداً

غصبن عالحزن!


تگضي وداعتك وسوالف تصير وباچر يا وطن يرجع فرحنه

موعدنه المهم لو متنه وانعيش بس انته المهم كل احنه صحنه

ما ننغش بعد علمنه الدروس صح قاسي الزمن لكن نصحنه

علمنه نعرف الزين والشين ياهو الطيب وياهو الجرحنه

وما نغلط بعد ونصير حيطان واحد يكتب وثاني مسحنه

وما نقبل ابد نصبح توابيت حصتنه الدمع صافي ربحنه

وقطعاً ياوطن عايش بالگلوب يعني اگبالنه وين احنه رحنه

ولد الملحه گلي شلون ننساك غزر بينه ياموطن ملحنه

ويامحنه التجي تلگانه الچفوف وذبحنه الميم صارت النه حنّه

وذبحنه المستحيل وكلمة شلون بس حبّك فقط هو الذبحنه

ونزرع بالأمل حتىّ يحصدون عدنه اطفالنه باچر فلحنه

ويطلعلك فجر من اريدك تحير وليلك ينجلي والله بصبحنه

وترجع ياوطن من احله ما چان وغصبن عالحزن يرجع فرحنه

غصبن عالحزن يرجع فرحنه



اختلاف الحب قد يفسد للقلب قضية

للعشگ قــــانون


ما مرتاح طبعاً والحچي مايفيد وبعد ما ظل صبر كافي الصبرته

بالحب تختلف مااختلف وياك بس عوّض گلب مني الاخذته

مليت انتظر باچر تجي وما جاي عگب باچر اجه وما جيت انته !؟

واسهر والسهر ريشه ابمهب الريح واحس حتى الگمر عاتبني سكته

وگلي اشحصلت من عمري ذاك الفات اذا نص العمر لجلك سهرته

واذا بيه الذنب فهمني خل ارتاح واذا بيك الذنب رغماً قبلته

يحسدونه شكثر حسبونه عالعشاگ ويگلولي شكثر من عدنه بگته

وگتلهم چذب بس بالأسم محبوب ومتندم على يوم العرفته

لأن طبع اليحب معروف عند الناس صافن والحچي كله ابصفنته

وانته لا تحن لا مثلي هم تشتاگ وقانون العشگ وحدك عزفته

موهيچ اليحب گلب اليحب ولهان ولا گلب اليحب هم هيچ دگته

كل ساعه احترگ طافيني دمع العين وترجع حضرتك ثاني وشعلته

ومثل عالم صرت بس تخترع الاعذار ولعلمك نعم هسه افتهمته

بستانك حزن منه جنيت اهموم ماجاني الفرح لايوم ضگته

كافي بطلت رجعلي گلبي النوب مااريد العشگ ماعندي بخته

وباچر لا تجي ودّگ عليه الباب مفتاحك لأن اصلاً كسرته

وتتندم علي تحلم تردلي بيوم وخط رجعه چذب سولفهه نكته

وازيدك بالشعر بيتين مو بس بيت البومك للصور بيدي حرگته

ورسمك لو طفل والعين امه اتصير من عيني بعد صدگ فطمته !!!

وخسران اعترف والحب تجارة صار وبايع مشتري كل شي خسرته

بس ابقة القلم وانته الورق جوّاي وبكيفي الاريده والشطبته



النهر والناعور وانا نشتاق

بستان الحبايب


عاشگ بس عشگ مثل المجانين وماگلكم عليهه بس تعرفوهه

ومدمن حيل حبهه صارلي اسنين واذا ادورون عنهه بيه تلگوهه

اصيله معدله اربات الدواوين وتحير الوصفهه كلما يوصفوهه

ربطتهه الشرف والعزة والدين واشگد حاولوا بس ما يفلوهه

ووجه واحد وجهه يعني وجهين ماصارت ولا گدروا يغيـروهه

وطبع بيهه الكرم مثل الفناجين تنطي بلا ثمن تزعل يخضّوهه!

وتذكر بالفرح حتى المبعدين واذا مرهه الحزن ترفض يعزّوهه

ويحبوهه شكثر واكثر مكرهين وحتى اليكرهوهه يحبّوهه

وعدد دمع اليتامه والمساكين اخاف اعليهه من عين اليحسدوهه

طيبتهه نهر وايفيض صوبين محتاجين اكمل لو عرفتوهه؟

اهي ( بغداد ) يالتسوه الملايين جنّه عالأرض للّيقدروهه

وبااوراق الكتب تعني كلمتين بستان الحبايب همه سمـّوهه



مثل طفلة فرحتي اتخاف من الليل .. يخزرهه الحزن ويگلهه وچ نامي!

قصة جــــــرح


خليني دمع مااصير ابد ضحكات

وعندي اسباب مااصيرن تخليني

اولهه الفرح كاتب علي ممنوع

وثانيهه الحزن كاسر فرح عيني

وثالثهه الفقر عرّاب هالاسباب

ومن العوز ما فرغت دواويني

واتريد ابتسم واضحك چذب للناس

وهاذي مو صفاتي وانته تدريني

ناضج بالحزن خطيّت التلاثين

واثياب الفرح ما ظنهه تغريني

وضايع من زمن ما عندي بس عنوان

بعيون اليتامة شوف تلگيني

ولأن كنز القناعه مو شرط بالمال

بس ورقة وقلم مرّات تكفيني

ولاجيء للشعر من حيث ماكوا اوطان

تسمع فكرتي وانسان تحويني

وغني وابقه الغني بس بالشعر لاغير

وثورات احتراقي لي كنـز واقنع

لأن عندي القصيدة كالملح والزاد

ما ملهه ولا فد يوم منه اشبع

وشاعر داخلي لو جاع تالي الليل

ياكل بالحروف ويشرب المطلع !!!

وقافيته صغت من قاع هالحرمان

واتخيّل بعد صار الگلب مرتع

ومو صوتي جرح هذا اليحچي وياك

واقرالك بعد من قصتي بس مقطع

ماعندي حلم ينباگ مني باليل

حلمي بس حبر فوگ الورق يركع

وتمثال الأمل كسّرته من زمان

وگلت الواقعي ياصاح راح اخضع

لذلك من تجي تلگاني بس عاشور

ومن يخلص محرم كون هم يرجع



شمس وگمر

ابعين اشوفك شمس وابعين اشوفك گمر
وباقي وتظل مبتداء رادوك تصبح خبر
مجروح واعرف نعم لكنه نقطه ابحر
ياقمة غير السفح معروفه عند النظر

ومعروف طبع الجبل متهزه قطعاً ريح
ومذلول يبقه السفح يتحمل التجريح
موعيب من تنجرح لا عيب من طيح
بس بيهه يوجد فرق يحتاج بس توضيح؟

يعراگ لمنّ طحت گاع احنه وانته المطر
ابعين اشوفك شمس وابعين اشوفك گمر


من رائعة " ردَ قلبي "

بطل الفلم


ماگلك بطل والدور الي كل يوم لو دور البطل بالناس ما اثر
ومااحسبه فخر دور البطوله هواى لو ضيف الشرف گبل البطل يظهر

افلام شكثر تلگله على التلفاز وافلام شكثر في واقعك تظهر
ومعروف البطل گبل النهايه ايموت لو ياخذ حبيبه بسرعه هو وفر

ولاهايه تصح لا ذيچ هم وياي منك يا حبيبي راح شتعذر
مااعيشك حلم عن الحقيقه ابعيد لو اوعدك وعد بس انه ما ا
گدر
ولا تبني حلم لو فارس الاحلام صفط بس حچي لا قدم واخّر

قصتي ويه الزمن مكتوبه بالدمعات ومخرجهه الحزن ويّاي ما قصّر

ويعيد المشاهد دون اي اذنوب ويگلي بعد حزنك واريد اكثر
وانتاج الفلم بسنين عمري الضاع واتّاني ربح لو عمرك اتبعثر؟

وتفائل تگلي كل الف تبدء ميل شتفائل اذا اباولهه واتعثّّر
هم مثلي شفت فد يوم مرّك عوز يالساكن قصر ما تعرف العسكر!؟

بسك واقتنع ماتدري بيه شلون گدامي بحر وبظهري الف خنجر


بسك واقتنع ممتابع الاحداث معروفه النهايه اتخيل المنظر


لا انته تصح لا فوز طبعاَ بيك وجائزة الفلم للغير تتحضر


يعني قررت بس هذه واقع حال اعلن بعتزالي راحه وتكّتر


*ردَ قلبي: رواية مصرية



ولكن

مابعتك


صح احتاج الك من گال اطخلك راس
موبيدي طبع ما طخ انه راسي


تجرحني شكثر لكن عشگتك موت
بس بالك تفكّر تجرح احساسي


ومن يوم العرفتك لا ولا مرتاح
بس تبقه محبتك من اعز ناسي


مااعرف قدر ربي بلاني بيك
لو يمكن سحر خـّلاك وهواسي


هم شايف بشر يقسه معه الحبّوه
والحبّه يگـّله عنه مو قاسي

ياجمرالعشگ روحي تريدك نار
اشعلني شعل واحرگ الي انفاسي

مابيك الذنب كل الذنب بالروح
من تسأل واگلك علتي بساسي


وشيب بالشعر تعرف الجاني منين ؟
ماجاني چذب وديت اله راسي !!!


وحبّيتك نعم بس غلطة الشطار
طلعت مو ألف بس للرقم ناسي

ومابعتك لأن تعرف لأن لو ليش ؟

مدمن عالعشگ وانته الصرت كاسي



خيانـة

جيش الدمع


هجم جيش الدمع واحتل الخدود ورايات الحزن رفعتهه العيون

من شفتك أمس وي غيري صفّيت إيد بأيد تالي الليل تمشون

وبعيني بعد زغرانـه دنياي ســاعتهه واحس اتوقف الكون

وانه راجع انه ويسأل الصار؟ مو هذا الگلت بس هو مايخون

ونصحوك شكثربس ماخذت راي وبس هوالصدگ والباقي ظنون

هسه شحصلت كل التعب ضاع وگبالك صفواهمّـه يضحكون

وتعرفه بعد لليمشي ويّـــاه؟ عاين وي صديقك هسه يمشون

هذا الچان من تحچيله الاسرار ويصــالحكم اذا مرّه تزعلون

يعني مو جرح والبينه جرحين ويلــه ياگلب دبرنه وشلون !؟

يله يا گلب دبرنه وشلون...



شاعر .. طفل .. مجنون

احسك تختلف!!!...


احسك تختلف ما تشبه الناس ولا مو بس شعر لا بل حقيقة

واحسك مهجتي وانطيك مقياس مثل وردة والك گلبي الحديقة

واريدك بس الى وبهاي طماع واريدك كلشي الى مو بس صديقة!

وافكر في طريقه اوصلك شلون بس اصبر عَلي الگه الطريقة

وبس اصبر عَلي يا سلوة الروح اعوضك كل سهر ذيج الليالي

غيرك ما شغل صدگني البال وموشاغل فقط لا انته بالي

وانه ابلياك شفه امفارگه الماي وتخيل بعد وشلونه حالي

وتخيل بعد عني رحت يوم معقولة الحچي هذا التگوله

عليك اتعلمت من تبعد اشلون مسرح دنيتي وانته البطولة

وتلگاني قوي بس ابچي مرات وتلگه ابداخلي كل الطفولة

ومن تبعد مثل صحراء وانسان واموت وداعتك وبكل سهولة

لأن عندي حلم ما صدگت صار هسه اتريد افز وما أنولة!؟

هسه اتريد تبعد يعني ويّاك ومن تبقة نعم ويّاك ظلّيت

وحسبني طفل لو حتى مجنون وبخت يراد من تحسبني يا ريت

ومااعوفك گلت بالعايش وياى واذا مابي صور ما يعجب البيت!



الزعل


اذا زعلان گلّي حتى اراضيك
بس صعبه اليحب يزعل على روحه

واذا قصدك عتب وتگول ناسيك
هم شايف جبل مايذكر اسفوحه

انته اتعيش بيه شلون امر بيك
لا تسأل بعد عالجيه والروحه

على باب العشگ تذكر واتانيك
وتتأخر علي دمعاتي مفضوحه

ومثل حال الطفل حالى من الاگيك
اشوف الدنيا عيد وانته مرجوحه

هسه تريد تزعل يعني اخليك
لو مو بس عذر لو جايب اطروحه



الى :

مغتربة


صدكَيني چذب والله ما مرتاح
لأن نفس الألم البيچ بيّه

صح انتي بغرب واني بشرق مجبور بس همومنه عاشن سويّه

يجمعنه الحزن واتگول كاالاخوان
ويفرقنه الفرح مثل المنيّه

ومو وحدچ غلط دوريني ضايع بيچ لأن ابداخلي ضعتي عليّه

واحس احنه البعض مرّات مخلوقين
وبهذا حِكم رب البريه

لكن نختلف في راي بس معقول وقطعاً ما فسد للود قضيه

اذا دمعچ نزل عالخد توالي الليل
انه دموعي تصب من المسيّه !


لشُهرة ليس ان تراني كل يوم ولكن ان تذكرني في غيابي!!!...


ما محتاج واطلع عالفضائيات

لأن عندي الشعر مو هذه مقياسة

ولا محتاج يوم اتملق الانسان

واذا كاسة فرغ أملي اله كاسة

انه شاعر وطن تحتاجة كل الناس

مثل حال الوطن يحتاج كل ناسة

وانه شاعر قضية اتعيش بالوجدان

والتاريخ يذكر اسمي كراسة

وتره الشاعر نبي لكنة ما معصوم

بس فكره ال (مُحمد) يحمل براسة

وتره الشاعر (غَني) لكن فقير هواي

ويملك بس قلم والورقة واحساسة

وكلهة تعتزل لاعب واذا فنان

بس الشاعر الما يعلن افلاسة

وكلهة تروح بس الاصلح اليبقون

ومعروف الصدگ لو هبت انفاسة

ومابيهة فخر تبني تفلش ابيوت

ابزود الخشب من تحچي الفاسة

والمرّه شتة ماينخة وين فلان

بثيابه انتخة يوم البرد جاسة

واذا ساسك رمل لا تبني فوگة قصور

اليبني من صدگ وسط الگلب ساسة

واذا عندك نقص لتصير فاعل خير

بيك المشكلة ما حاجة الدراسة

ولتجامل بشر من عندة ليش اتخاف

الشاعر كالمَلك جمهورة حراسة

وماأهتم الك ثق واعتقد بالله

ولامره صرت في بالي وهواسة

لأن اتخيلك واحد مثل ذولاك

گاعد عالرصيف وبيدة حط طاسة

ومن حبني صدگ يندل تره الخدين

مو مثلك لأن ياهو الأجة وباسة



شاعر مو مهم تعرفني كل الناس

شيفيد الشعر واخلاق ماعندي


رساله الى كل من لا يهمهم الأمر

والمدرجه اسمائهم ادناه :


شاعر للأسف مدمن محطات

يوميه وطلع نفس القصيدة

وشاعر يفتخر صاحب علاقات

واسمه ظال كل ساعه بجريدة

وشاعر مرحلة حي هو بس مات ؟!

وطلاّب الشعر ظنهم عبيدة

وشاعر مختص بعلم الزحافات

وتگول الشعر من صنعة ايدة

وشاعر عالورق سطّر عبارات

كل ظنه الشعر شغله وتفيدة

وشاعر من حضر بالمهرجانات

يشوف الناس بدلاته الجديدة!

وشاعر من صعد فوگ المنصات

تحس حتى الخشب لا ما يريدة

وشاعر من قره ماتسمع اصوات تصّفگلة

بــــــــــــعد وتگله عيدة

بس شاعر صدگ .. بس شاعر صدگ

بس شاعر صدگ .. جوعان من بات!

بس عنده المهم تكمل قصيدة...


ومـــــضات & بطـــــاقات



ومضات & بطاقات

* شاعر

مو مهم تعرفني كل الناس
شيفيد الشعر واخلاق ما عندي  !!!

 

 

* شاعر عاش عمره حسرة العوز

وشاعر بالترف من عاش عمره
شوف انتة الفرق مابين الاثنين

ياشاعر تحس من تقره شعره؟

 

 

* اخر زمان الوتر يتبرة من زرياب
اخر زمان المطر ما يعرف السياب

 

 

امي (عليها السلام)

 

* امس للجنه فتت  اني علماً ما متت

وشفت كل شي وما شفت!

 

بعد هذا تحيرت؟

السبب بس تالي اعرفت

 

تحت رجليهه نمت

تحت رجليهه نمت

* امي كعبة والدليل هي كعبة

شفت صورتهة بعباية!...

 

 

* بس نوع طبع الوفة

بس نوع طبع الچفة

هذه حسب قاعدة

يعني ضميرك صفة :

لو فاقد الذاكرة

لو ذاكر الفاقدة

 

* شگد عيب الخشب

من صار يدة فاس

ولا گصتة استحت من طاحت الشجرة!

 

 

* مرّت سنه من العمر

مرّت گبلهة سنين

نتمنة چنة الكُبر

بس هسة متندمين

جبنة العمر ننتظر

قانعنة چان الصبر

باچر يگول الفرح والباچر امتانين

 

* مادام گلبي يحب

ماعنده شوگي حدود
ومادام اكتب شعر يعني انا موجود

 

 

* الشعر مابي كبير ولا صغير

الجمال احساس جيب اليفهمة!..

 

 

* اكو شاعر خوش شاعر ..

يكتب بدمة القصيدة

واكو شاعر چان شاعر ..

وهسة ماعندة جديدة

واكو شاعر والله شاعر ..

وللأسف محّد يريدة

واكو شاعر .. عاش شاعر .. و مات شاعر

ومنذكر اسمة بجريدة

 

 

 

* دستورك غلط سوّيلة تعديل

محتاج الشعب شاعر يقودة !؟

 

 

* فرق بين اليجوع وهو جوعان

عن ذاك اليجوع وهو شابع

وفرق بين السكن في اعلة القصور
والبيتـــة رصيف وبابه شارع

 

 

* المافكر بهم الوطن هم الوطن ميريدة

والماكتب لجلة شعراحسن الة يگص ايدة...

 

 

 

* راح اقرة شرط كلكم تصفگون

والراد السبب هم ممكن اقناعة

اجة يسمع شعر ويريد ترحيب

احتراماً للوطن ويانة بالقاعة

 

 

 * مجنون هذاالزمن ما عرفه شي اريدمجنون هذه الزمن

يمطر عليهم فرح وانه التجاعيد !!!

 ماعرفة شيريد...

يمطرعليهم فرح واني التجاعيد!!

 

 

 

* سألوا عاللقب ليش العراقي اختار

خاف انسة الوطن وية اسمي خليتة

وسألوا ليش الاول واسمة ثاني صار

گلت يمسة سوء بظهري ضميتة

 

 

* انة ابلياك احس الدنية انتة!!!...

 

 

* خاين طلع حتى القلم امنتة عود اسراري

ايغار من اكتب الك بس بي چنت ما داري

والورقه هم ويا بعد يا ورقه ليش اتغاري

تالي اعرفت غيرالقلم لا ورقتي ولا اشعاري

اتغار منك للأسف حتى بنات افكاري!

 

 

* راجعت نفسي وشفت ويّاگ ما غلطان
بس چه احبك صدگ...

گلتلك اسف!

 

 

* خربت من شفت جنحان عند الفيل

ومن شفت النوارس صارت ذيابة!

وخربت من شفت مرة الاسد مرعوب

خايف ماطلع بالليل للغابة!



* اذا باچر يجي يعني الامس راح
بس خوفي الامس نلگاه باچر

واذا كل يوم نحلم باچر يكون
يا خوفي صدگ ما نلگة باچر

 

 

* اذا الشاعر نبي في نظرة الناس

اذاً مو بس جزء فلم الرسالة...

 

 

 * نفـس اهدومنة مال اول العام

لبسناهن امس گالوا اجة العيد

ونگدر نشتري بس تدري شنريد 

كون اگلوبنة لو تلبس اجديد

ونبطل بعد ما نحچي عالناس

ولا واحد بعد ياخذلة غيبة

واذا عدنة عجيبة صدق الاحساس 

من ناكل بعضنة مو عجيبة

 

 

* وين الگاچ

متفهميني وين الگاچ

مِبحرمن زمن يمتة اوصل المرساچ؟

 

 

* مو مهنه الشعر

فن وصدق واحساس...

ولاتذل القوافي الخاطر اجيبوك

وتعال بشي جديد وعوف من سبقوك

وبازياء الشعر خل ينعرض ثوبك

باچر من يجي ما يرحم التاريخ

لحّگ صفحة سجل تمسح اذنوبك

 

 

* ليش اتغار...

بس فهمني ليش اتغار

اذا أني ( .ُ... )  صير الية الغار

 

 

* عمي التواضع حلو ماكوا احلة من عندة

ولاتشيل خشمك علي ياصاحبي اتهدة

ربيتك انة بدي معقولة تكبر عَلي

علمني وكتي درس حط طينتة بخدة

 

 

* من يحتاجني كل ساعة دگ الباب

ومن سألوا علية يگول مااعرفة؟

 

 

* (علي) شاعر لأن باب العلم صار

في حرب وسلم تشهدلة ايدة

واذا سيف قلم واعدائة الاوراق

يعني المعركة مثل القصيدة

 

 

* اكوا ناسيك لكن گلبك اوياه

واكوا وياك گلبة وانتة ناسيه!

 

 

* حاير تظل لشوكت وعني تظل ابعيد

وبس بالحلم نلتقي وگلي الحلم شيفيد

ادريك مامقتنع وتذوب مثل الشمع

اتريد يمي تجي ونفس الوقت ماتريد

 

 

 

* شكتبلك بعد موخلصت الچلمات

وياشاعر يداين خاطر اكتبلك؟

 

 

 

 

* مانزعل عليك اگلوبنة اكبار

وعنهم نختلف حتى بهوانة

وماعدنة طمع لاغاية وياك

عاتبناك من باب الميانة

ولأن بينة طبع مانحچي وجهين

تلگلة وجوهنة تشبه گفانة!

 

 

* عَلة بابي تمر باليوم مرتين

ويوم الماتمر يشتاگ حتى الباب!

 

 

 

* اخيراً ايدك بايدي حبيبي

 اخيراً انته ياعمري نصيبي

شگد سهرنة شگد صبرنة

الله ماضيع تعبنة .. اخيراً

 

 

 

* بغداد حلوة ترة رغم الحصل والجرة

حارسهة واحد الاحد وماتبچي تضحك بعد

خل يسمع الما دَرة بغداد حلوة ترة...

 


* نغلط نعم مو مشكلة

بس المهم ياصاحبي نتعلم من اغلاطنة

يوجد فرق واضح لأن

مابين نفهم عن كُبر واخلاقنة من اگماطنة

من الشمس ناخذ درس

لكن نحبهة للأسف لو مر علينة اشباطنة

 

 

* تعالوا انحب بعضنة وننسة مافات

تعب حال الوطن من الخلافات

وحتى اطفالنة تعيش وماتسأل بعد ليش

شرط گول وفعل مو بس شعارات

 

 

* راح اصير.. بس شصير ..

شاعر وبايع ضميره لو اظل شاعر فقير!؟

 

 

* انه اعرف راح ابقة الوحدي

وبس الذكرة تعيش وياية

وانة اعرف كلشي بس لكن

مااريد ارفع هسه الراية

اتعذبني .. وتحيرني .. وتسهرني

نصحوني شگد ناس هواية



* نصحتك مانفع وياك يفلان

موقصدي الفرس بس همة خيالة!؟

 

 

* ميفيدوك يسمر مو نصحناك

ماتاخذ حچي والله عرفناك

بس شكلك يحبون

الگلبك مايهمون

وترد تشكيلنة وشلون وياك

 

 

* رسمك لو طفل والعين امة تصير

من عيني بعد صّدگ فطمتة!

 

 

 

* گتلي اموتن من اعوفك

ومن عفتني مامتت!

وگتلي بس انتة اشوفك

هسة شوغيري شفت!

 

 

* انة بلياك شفة مفارگة الماي

وتخيل بعد وشلونة حالي؟

* من الباب ادخل مومن الشباچ

اذا تحبهة صدگ اتقدملهة

مثل اختك عرفهة واحد من الناس

ترضاهة علية من يستغلهة

 

 

* ياگلبي كافي چذب كل يوم وحدة تحب

اصحة الزمانك ولك

 بالله ارد اسألك :

 ماتتعب من العب

 

 

* عَـله انقاض الدمع رممنه الخدود

وواعدنه الضحك بس ما لگانه

ماندري الفرح بس لهل القصور

لذلك يعتذر مامر واجانه؟!

 

 

* كلي اشتعل .. لمّن تهل يسمر يا ابوعيون الكحل

سبحان ربي الصورك يحبيبي وك تكتل كتل

تنطيني من عندك وعد ومااريد من عندك بعد

واحد اذا يمك گعد اتگوم لو حتى طفل

 

 

* اذا عالصوت احبك اني بجنون

ويحالي شلون لو بعد التقينة؟

 

 

* احزن من يمرعام..احزن من يجي عام

والأيام.. صارت اسرع من الضوء

وقانون الجَذب هم يشمل الايام؟

والأحلام..بالتوقيف منتظره الحكم

افراج مدري اعدام!؟...

 

 

 

مجنون هذاالزمن ما عرفه شي اريد

يمطر عليهم فرح وانه التجاعيد * اعلن عن وطن مفقود !!!

 منكم ياهو الشافة
دمعاتة جرن نهرين لكن تضحك شفافة!!!

 

 

* مسجون الصدگ يا ناس تدرون

واخذوا كــل چذب طلقوا سراحة

للتعبان گالوا تبقة تعبــــــــــــــان

والمرتــــــــــــاح تحتاج استراحة

 

 

* مثل طفلة فرحتي اتخاف من الليل
يخزرهة الحزن ويگلهة وچ نامي!

 

 

 * الشاعر يختلف حبة للحسين

من يطلع عَزة متشوفة هالناس

لأن عنده القوافي كالتشابيه

ويلطم بالقلم ويبچي الاحساس

 

 

* اشتهيتك گطرة گطرة من گاعك الحد السِمة

  اشتهيتك واحة خضرة بيهة بس حبنة النِمة

لاتگلي مرّة خايف

ليش موصحرة الشفايف

ولشوكت نبقة بضِمة.. اشتهيتك

 

 

* مااحبك چذب والله ذايب بيك

بس دور علية بيك تلكاني

واذا هذا الاگولة تظن وابالغ بيه

تگدر تنسحي بس صعبة تنساني

 

 

 

 

* انه ويالشعر نتشابه هواي

وابسط شبه يجمعنة يتامة!!..

 

 

* كون حبك مو عشگ هذه الزمان

كون حبك مال اهلنة الاولي

وكون گلبك ما يدورلي مكان

كون گلبك يا حبيبي كلة الي

وكون عمرك ما تحس لحظة بأمان

الة بحضاني تذوب وتنجلي

وكون شخص ما يهم ابشخص ثان

بس اريدك كون بية تبتلي !

 

 

* محتاج الواحد يسمعني

بس يسمعني بكل احساس
محتاج الواحد يفهمني

ما يشبه كل هاي الناس

 

 

* من مرنة الشتة وماعدنة قمصان

ندفه على اوراق الجرايد

وما ننشر بعد نحفظهة الاشعار

شفنة النار تاكل بالقصايد

 

* نتواعد حبيبي ونلتقي ابيت

  اذا ما عجبتك كل القصيدة؟

 

 

* من تقرة شعر لا تنسة الاحساس

شرط كون الشعر صدق المشاعـر

وبصوتك فقط بي تقنع النــاس

مو كل من يصيح يعني شاعــر

 

 

* خلصت العمر خلف الكواليس!

يمتة يا شعب تاخذ بطولة؟

 

 

* الحرّية .. فكرة و ورقة

يمكن ترقة يمكن تبقة

بس بالك لا تصبح طلقة

 

 

* خلف الله علية وعرفتة الناس

شاعر چان يكتب محد يعرفة؟

 

 

* عدهم كل شمس تفصل نهار وليل

بس عندي الشمس تشتاگ تنزلك

واذا عندي الشمس تنزل لأن تشتاگ  چا... يعني الگمر ينزل يحب رجــلك

 

 

* عذراً يا شعر لو صوتي موزين

بس المشكلة مو بية بــ حساسي

ما اعرف اچذب واقنع الناس

ولهذا السبب تلگة الحكم قاسي

 

 

* يگلولي اعله صوتي شوية عَليه

ويردوني امثل حتى بلقائي

مثل ماهو گلتلهم اخليه

حَلات احساسي من يكون تلقائي

 

 

* مو عيب الفقر بس عيب الانسان

شاعر صار بس من يقرة بفلوس

وشگد صعبة وهضيمة تلگة فنان

يغني بالملاهي الحضرت الكوس

 

 

 

* من مرني العطش وشفافك الماي

مااشرب گلت خايف علة شفافك

واقبل لو متت بس بقة عطشان

خايف ارتوي واگلبهة اوصافك

 

 

* اني ميت من زمان

بس محبتك يا ترف تحيني!

 

 

* بس باوع عَلى وتبين الاعذار
ما محتاج منك كلمة تتعذر

من وجهك واعرفك بيك ما احتار
معقولة الغدر ما يعرف الخنجر

 

 

* انه گلبي حمامة انباگ منهة العش

تظل طول العمر مكسور خاطرهة

مثل كاتب قصيدة وساهر الهة الليل

تِلكاهة الصبح مو هو شاعرهة!

 

 

 * مو عندي المهم انشرعالانترنيت

بس عندي المهم من توصل الفكرة

الشاعر من صدگ ترجم ألم هالناس

مو شاعر چذب لو دور الشهرة

 

 

* اذا ماكوا نقد معنى الشعر ضاع
لأن نقدك ألي يعني أني شاعر

واذا ماكوا صدق عند الينقدون
اذاً اعدام نحكم عالمشاعر

 

 

* اذا ناوي تحب وتكون ولهان

لاتخفي خجل بيك المشاعر

واذا قصدك تحبني كون يفلان

حبني انسان لا تحبني كشاعر

 

 

 

 

 


صــــــوتيات & فـــــــيديو



صوتيات & فيديو

 

جديد 2011

 

مواويل وشعر

( فالح حسون الدراجي & ضرغام العراقي )2011

اذاعة العراق الحر

http://www.iraqhurr.org/content/article/2264788.html

 

مواويل وشعر  (Download ) 2011

http://www.4shared.com/audio/LoAv9CLi/_2011____________.html

 

 

ضرغام العراقي 2011 You Tube

http://www.youtube.com/results?search_query=%D8%B6%D8%B1%D8%BA%D8%A7%D9%85+%D8%A7%D9%84%D8%B9%D8%B1%D8%A7%D9%82%D9%8A2011&aq=f

 

 

ضرغام العراقي 2011   Download

http://search.4shared.com/q/1/%D8%B6%D8%B1%D8%BA%D8%A7%D9%85%20%D8%A7%D9%84%D8%B9%D8%B1%D8%A7%D9%82%D9%8A%202011

 

 

ضرغام العراقي ( You Tube ) ALL

http://www.youtube.com/results?search_query=%D8%B6%D8%B1%D8%BA%D8%A7%D9%85+%D8%A7%D9%84%D8%B9%D8%B1%D8%A7%D9%82%D9%8A+&aq=f

 

ضرغام العراقي ( Download ) ALL

http://search.4shared.com/q/1/%D8%B6%D8%B1%D8%BA%D8%A7%D9%85%20%D8%A7%D9%84%D8%B9%D8%B1%D8%A7%D9%82%D9%8A

 

 

المجموعة الكاملة :: ضرغام العراقي

صوتيات & فيديو

http://www.4shared.com/dir/12455855/bce26d00/sharing.html

 

قصيدة الفقراء

http://www.youtube.com/watch?v=oKN7evczQSk

مااحبك چذب http://www.youtube.com/watch?v=ZeQOPnNWXqo

جيش الدمع http://www.youtube.com/watch?v=OcnK9zJWvaE

تداعيات وطن ( الشعر قضيه )

http://www.4shared.com/file/157048095/df454550/________.html

صوت وحلم ( مونتاج )

http://www.4shared.com/file/122566559/eea217c2/___.html


صوت وحلم

http://www.4shared.com/file/122557086/3264ab40/___.html

قانون العشگ
http://www.4shared.com/file/98639832/5a9b6229/___.html


ابو محتاج

http://www.4shared.com/file/122553272/3e7730af/_2_____.html

ضمير الحب
http://www.4shared.com/file/98640897/1f36edb6/___.html


ليش؟

http://www.4shared.com/file/98641842/624e0011/___online.html

مــــاتجينه
http://www.4shared.com/file/98642520/c077fa06/___online.html


احساسي
نبي
http://www.4shared.com/file/98643410/5224a497/___.html

شكتبلك بعد
http://www.4shared.com/file/122545443/7edb5924/___.html

شكتبلك بعد ( جلسه )
http://www.4shared.com/file/94448433/a472dbd1/___.html


قصة جرح
( جلسه )

http://www.4shared.com/file/122547882/67a1751/___.html

ساكت ياوطن ( جلسه )
http://www.4shared.com/file/94452705/36a75aaa/___.html

مهرجانات

http://www.4shared.com/file/122561287/242c6ab4/__online.html

أبو محتاج ورساله الى الشعراء ( فيديو )
http://www.4shared.com/file/84531581...___online.html

فيديو2010

شكتبلك بعد ضرغام العراقي
http://www.4shared.com/file/21294218...284/_____.html


صوت وحلم ضرغام العراقي
http://www.4shared.com/file/21292828...c2c/_____.html


رسالة الى الشعراء ضرغام العراقي
http://www.4shared.com/file/21415252...1e/______.html


ماأحبك چذب ضرغام العراقي
http://www.4shared.com/file/21282175...52d/_____.html


الخيانة ( جيش الدمع ) ضرغام العراقي
http://www.4shared.com/file/21287926...730c/____.html


تعالوا نحب ( نص غنائي ) ضرغام العراقي
http://www.4shared.com/file/21416249...4a3/_____.html


ضرغام العراقي ( ومضات – دارميات – ابوذيات ) 2010 ( مساجلة )
http://www.4shared.com/file/21281338.../__2010__.html

صوتيات 2010

صاحب صاحبك

http://www.4shared.com/audio/GpaqxE_H/____MP3.html

احسك تختلف

http://www.4shared.com/audio/amwv3ZW5/____MP3.html

الأرض

http://www.4shared.com/audio/RBboQ-UM/___MP3.html

قصة جرح

http://www.4shared.com/audio/ewIQ7e2k/_2______MP3.html

رايد وطن

http://www.4shared.com/audio/UOPrW2pO/_2______MP3.html

الأم ( ومضات )

http://www.4shared.com/audio/JVybHYBK/_2_____MP3.html

ما احبك چذب

http://www.4shared.com/file/227176501/504a1371/_____.html

جيش الدمع

http://www.4shared.com/file/227182910/3a7eeb44/____.html

رسالة الى الشعراء

http://www.4shared.com/file/227190124/8f44cc1d/______.html

تعالوا انحب بعضنة يا شعب

http://www.4shared.com/file/227193678/ec7fcd18/_____.html

ــــــــــــــــــــــــــــــــــــــــــــــــــــــــــــــــــــــــــ

ضرغام العراقي

www.dhrgamaliraqi.arabblogs.com

العراق _ الديوانية